Document 137
Winter wooin
Author(s): Sheena Blackhall
Copyright holder(s): Sheena Blackhall
Options:
Highlight word:
Text
A wooer in a silken veil
Is the sleety smirr;
The doon-scud i the burnie's dreel,
Dird-dirlin roon frae tap till tail
Is the fiddler's reel.
The birks staun ootlinned, chitterin cauld-
Quines clad in cassen claes
At a Ne'erday ball.
The blinterin, blichtit sun's a faithless lad,
Fas fickle favour blears ower hoose an ha;
Bracken's a glekit, feckless, tummelt lass,
Cowpt ower, roch-wooed, amang the secret sna.
O love's a bigsie burn that's naething blate-
Wormin its viper's wye till the brae's briest,
Or wild an wanton, terrible in spate,
Wad wed withoot the blessin o a priest.
As ice crack tinkles sherp afore the thaw,
So cauldrife winter brakks the simmer's lyre,
The clook within the eagle's sweengin claw;
Love's but a yowie, sneck't on barbit wire.
This work is protected by copyright. All rights reserved.
The SCOTS Project and the University of Glasgow do not necessarily endorse, support or recommend the views expressed in this document.
Cite this Document
APA Style:
Winter wooin. 2024. In The Scottish Corpus of Texts & Speech. Glasgow: University of Glasgow. Retrieved 21 November 2024, from http://www.scottishcorpus.ac.uk/document/?documentid=137.
MLA Style:
"Winter wooin." The Scottish Corpus of Texts & Speech. Glasgow: University of Glasgow, 2024. Web. 21 November 2024. http://www.scottishcorpus.ac.uk/document/?documentid=137.
Chicago Style
The Scottish Corpus of Texts & Speech, s.v., "Winter wooin," accessed 21 November 2024, http://www.scottishcorpus.ac.uk/document/?documentid=137.
If your style guide prefers a single bibliography entry for this resource, we recommend:
The Scottish Corpus of Texts & Speech. 2024. Glasgow: University of Glasgow. http://www.scottishcorpus.ac.uk.
Information about Document 137
Winter wooin
Top
