Document 648

Dipper: 36 - Minnons

Author(s): Dr James A Begg

Copyright holder(s): Dr James A Begg


A tuim bleach bottle hained frae the coup,
A wee roun hole caad oot its dowp,
A string roun its neck an a weel-corkit mou
Tae haud in the breid-crumbs - an that is hou
The lads aboot here catches minnons.

Billy an me gaed doun tae the burn,
Ae bottle atween us, we baith tuik a turn
At plankin it doun an laein it still
On the grevelly bed o a wee shalla puil
We kent wis aye hotchin wi minnons.

We baith courit doun on the bank nearby,
An watched aa the wee fish soumin by,
Peenheids an beardies an ance a big troot,
Then aicht fish swam in an juist fower swam oot
- The trap we had set tae catch minnons.

Wull gied a shout, an Ah gied a pou
At the string o the bottle an oot it flew,
An stottit an shooglt aboot on the gress,
While flashin an splashin inside the gless
- Were fower dumfounert wee minnons.

Ah niver had seen sic bonny wee beasts,
Wi siller sides an crimson breists,
Soumin aroun luikin nane the waur,
Whan Ah tuimt them intae the jeely-jaur
- We'd brocht tae haud oor minnons.

Fair prood o oorsels, we cairtit them hame,
But efter twa days Mither thocht it a shame,
They'd lost their rid breists an the glint aff their skin,
Sae we gaed tae the watter an pit them back in
- For the burn is the place for minnons.

coup/rubbish tip
nane the waur/none the worse

This work is protected by copyright. All rights reserved.

The SCOTS Project and the University of Glasgow do not necessarily endorse, support or recommend the views expressed in this document.


Cite this Document

APA Style:

Dipper: 36 - Minnons. 2024. In The Scottish Corpus of Texts & Speech. Glasgow: University of Glasgow. Retrieved 24 July 2024, from

MLA Style:

"Dipper: 36 - Minnons." The Scottish Corpus of Texts & Speech. Glasgow: University of Glasgow, 2024. Web. 24 July 2024.

Chicago Style

The Scottish Corpus of Texts & Speech, s.v., "Dipper: 36 - Minnons," accessed 24 July 2024,

If your style guide prefers a single bibliography entry for this resource, we recommend:

The Scottish Corpus of Texts & Speech. 2024. Glasgow: University of Glasgow.


Information about Document 648

Dipper: 36 - Minnons


Text audience

General public
Audience size 1000+

Text details

Method of composition Handwritten
Year of composition 1982
Word count 265
General description Anthology of prizewinning and other Scots poems, and short stories in Ayrshire Scots.

Text medium

Other Audiocassette

Text publication details

Publisher Luath Press
Publication year 1991
Place of publication Barr, Ayrshire
ISBN/ISSN 0946487227
Edition First
Part of larger text
Contained in The Dipper an the Three Wee Deils: Tales and Poems in Ayrshire Scots
Editor Authors: Dr. J. A. Begg and J. Reid
Page numbers 95

Text setting


Text type



Author details

Author id 623
Title Dr
Forenames James
Initials A
Surname Begg
Gender Male
Decade of birth 1940
Educational attainment University
Age left school 17
Upbringing/religious beliefs Protestantism
Occupation Medical Practitioner
Place of birth New Cumnock
Region of birth S Ayr
Birthplace CSD dialect area Ayr
Country of birth Scotland
Place of residence Ayr
Region of residence S Ayr
Residence CSD dialect area Ayr
Country of residence Scotland
Father's occupation Clerical Officer, NCB
Father's place of birth Sandbank
Father's region of birth Argyll
Father's birthplace CSD dialect area Arg
Father's country of birth Scotland
Mother's occupation Primary Teacher
Mother's place of birth New Cumnock
Mother's region of birth S Ayr
Mother's birthplace CSD dialect area Ayr
Mother's country of birth Scotland


Language Speak Read Write Understand Circumstances
Danish No No No No A little
English Yes Yes Yes Yes Home, socially, at work
French Yes Yes Yes Yes Holidaying in France
Norwegian No No No No A little
Scots Yes Yes Yes Yes Home, socially, at work