Author(s): Andrina Connell
Copyright holder(s): Andrina Connell
Napoleon's Navy sailed the brine.
Up west o' Scotland, tae the Clyde,
Whaur sons o' the Green Oak Tree did bide.
Port Glasgow folk heard o' this yarn
And tae their neibours they did warn,
"A foreign Frenchman's jumped his boat
An siller' offered if he's caught!"
So Greenock men searched low and high,
While rain fell, pouring, frae the sky,
Until they fun him, up a tree,
Girning in French it seemed to be.
Tho' soaked and wild they grabbed him quick
And pit him intae Greenock nick.
Soon he was tried, his sentence read,
And he was hung - till he was dead.
To gie the Greenock folk their due,
Because they couldny parley vous,
A linguist they had tried to trace
To help the prisoner plead his case.
Had their endeavours been rewarded
Portonians would have ne'er regarded
The Greenock folk as gormless dopes
For hanging a monkey frae the ropes!
The eastern burgers jeered and taunted.
While poor Greenockians, sorely daunted,
Their monkey up, maun find a way
To avenge their pride some rainy day.
They thought up schemes of retribution
Against that primate's execution.
A campanologist o' fame
Was feed to help them save their name.
They kent Port Glasgow's civic bell
Was dinging dull, an' truth to tell,
Saw chance o' sweet retaliation
To rid them o' their sour frustration.
The Port's toon council was impressed,
In fact they never thocht, or guessed
That Greenock men wad stoop sae low,
To strike wi' sik a ringing blow.
The expert had the bell brocht doon
And there, afore the whole danged town,
Saut water tae the brim he raised
An' then a fire ablow it blazed.
Of coorse the bell soon cracked and broke
And only Greenock saw the joke.
The boiled bell couldny even "dung"
And aw because a monkey'd hung.
And still the day, this year o' grace,
Greenockians maun, to save their face,
When speired, "Who hung the monkey, well?"
Reply, "Aye, but - who b'iled the bell?"
This work is protected by copyright. All rights reserved.
The SCOTS Project and the University of Glasgow do not necessarily endorse, support or recommend the views expressed in this document.
Cite this Document
In Reverberation. 2022. In The Scottish Corpus of Texts & Speech. Glasgow: University of Glasgow. Retrieved August 2022, from http://www.scottishcorpus.ac.uk/document/?documentid=814.
"In Reverberation." The Scottish Corpus of Texts & Speech. Glasgow: University of Glasgow, 2022. Web. August 2022. http://www.scottishcorpus.ac.uk/document/?documentid=814.
The Scottish Corpus of Texts & Speech, s.v., "In Reverberation," accessed August 2022, http://www.scottishcorpus.ac.uk/document/?documentid=814.
If your style guide prefers a single bibliography entry for this resource, we recommend:
The Scottish Corpus of Texts & Speech. 2022. Glasgow: University of Glasgow. http://www.scottishcorpus.ac.uk.