SCOTS Project - www.scottishcorpus.ac.uk Document : 35 Title : Kin Ye Mind? Author(s): George Hynd Copyright holder(s): George Hynd Text Kin ye mind the days o long ago When you were jist a boy Those days fair fu' o happiness A' filled wi mirth an joy Kin ye mind o pickin' brambles In a tin tae mak' some jam Or fleein' doon the bing at breakneck speed in a worn oot rickity pram Kin ye mind o searchin' fur puddocks and taddies Tae keep in a big sweetie jar An pinchin' tatties oot o the fields Tae roast on the gang hut fire Kin ye mind o yer grannies tablet Treacle toffee, an tattie scones A sheeps heid bubblin' awa in the pot An the soup made wi ham shank bones Kin ye mind o gaun tae the Gala Day Marchin' ahint the pipe band Wi a tin cup roon yer neck, an a wee bag o buns The happiest lad in the land Kin ye mind o guddlin' fur troot in the burn an climin' trees fur birds eggs Pickin' an spittin' on docken leaves Tae take nettle stings oot o yer legs Kin ye mind o pinchin' aiples Or sittin' shellin' green peas An playin' at speedway on an auld wrecked bike An comin' hame wi skint knees Kin ye mind o days at the seaside Runnin' aboot daft on the sand Lookin' fur crabs under the stanes Wi a bucket an spade in yer hand Kin ye mind o birlin fire cans Smoke gettin' in yer een An wanderin' the streets wi lit up tumshies Guisin' at Halloween Kin ye mind o smokin' Cinnamon Roon' the back o the sheds An writin' yer name as ye peed in the snaw Ah wiz ZORRO so ah jist din ZEDS Kin ye mind o pabyin' at fitba Wi a big leather ba' wi a lace an lyin' on the ground flat on yer back When it hit ye right smack on the face If you kin mind o a' they things Back in your memory You must have been a normal kid Jist the same as me This work is protected by copyright. All rights reserved. The SCOTS Project and the University of Glasgow do not necessarily endorse, support or recommend the views expressed in this document. Information about document and author: Text Text audience General public: Other: Self Audience size: 1 Text details Method of composition: Handwritten Year of composition: 1995 Word count: 338 Text type Poem/song/ballad: Author Author details Author id: 611 Forenames: George Surname: Hynd Gender: Male Decade of birth: 1940 Educational attainment: None Age left school: 15 Upbringing/religious beliefs: Protestantism Occupation: Retired Plasterer Place of birth: Dunfermline Region of birth: Fife Birthplace CSD dialect area: Fif Country of birth: Scotland Place of residence: Bilston, Roslin Region of residence: Midlothian Residence CSD dialect area: midLoth Father's occupation: Plasterer Father's place of birth: Kelty Father's region of birth: Fife Father's birthplace CSD dialect area: Fif Father's country of birth: Scotland Mother's occupation: Housewife Mother's place of birth: Kelty Mother's region of birth: Fife Mother's birthplace CSD dialect area: Fif Mother's country of birth: Scotland Languages: Language: English Speak: Yes Read: Yes Write: Yes Understand: Yes Circumstances: Language: Scots Speak: Yes Read: Yes Write: Yes Understand: Yes Circumstances: