SCOTS Project - www.scottishcorpus.ac.uk Document : 571 Title : Due Author(s): Janet Paisley Copyright holder(s): Janet Paisley Text It's early moarnin an the mist's risin aff the gress, hingin ablow the trees like a curtin fae thur branches. It suits me. Ah'm no in masell. A coo lous wi burth pain faur doon the holla. A wey aff fae cauvin, bit kennin it. Ma feet ur sodden yit thurs nae mindin in me. Mibbe the harr is passin through me tae. Only the shoatgun is soalid. Heaviur, greyur, cauldur. Soalid, richt enough. It cairryin me. Cairryin me doon the field, ower the burn's ruckled stanes, through its white watter an up by the mill. Thurs nae a sowl aboot an ah leuk back tae see a licht cum oan in yin hoose. Rab Coannell gittin up fur the post. Ah keep ahint the mill, doon tae the coattages. The weeds ur high here an thur wetness wid tie thum roon me. Ye jist keep shuvin. Ootside his hoose thurs nae back gairden. Jist the wildness an the wet. Close tae the stanes huv the braith o the wurld oan thum. A licht goes oan it ma shouder, dull yella. Watter rins, tinny, intae a kettle. Thur is whustlin. Saft, nae tune, mind elsewhaur whustlin. Ah dinnae waant these meenuts o his day. The waashin. The tea made, drunk. Ah waant the slammin o his door. Feet oan his graivel path. The key in his gairidge padloak. Ah waant the leuk oan his face is he turns roon. This work is protected by copyright. All rights reserved. The SCOTS Project and the University of Glasgow do not necessarily endorse, support or recommend the views expressed in this document. Information about document and author: Text Text audience General public: Audience size: 1000+ Text details Method of composition: Typed Year of composition: 1990 Word count: 243 Text medium Book: Text publication details Published: Publisher: Taranis Books Publication year: 1993 Place of publication: Glasgow ISBN/ISSN: 1-873899-50-5 Edition: 1st and 2nd Text setting Leisure/entertainment: Text type Short story: Author Author details Author id: 103 Forenames: Janet Surname: Paisley Gender: Female Decade of birth: 1940 Educational attainment: College Age left school: 17 Upbringing/religious beliefs: Protestantism and Paganism Occupation: Writer Place of birth: Ilford Region of birth: Essex Country of birth: England Place of residence: Falkirk Region of residence: Stirling Residence CSD dialect area: Stlg Country of residence: Scotland Father's occupation: Factory Processor Father's place of birth: Balloch Father's region of birth: Dunbarton Father's birthplace CSD dialect area: Dnbt Father's country of birth: Scotland Mother's occupation: Nurse Mother's place of birth: Avonbridge Mother's region of birth: Stirling Mother's birthplace CSD dialect area: Stlg Mother's country of birth: Scotland Languages: Language: English Speak: Yes Read: Yes Write: Yes Understand: Yes Circumstances: Work, home, social, public Language: Scots Speak: Yes Read: Yes Write: Yes Understand: Yes Circumstances: Work, home, social, public